লেখকঃ প্রেমলাল ত্রিপুরা
বরু নক বরু হুগ
লেয়ৈই মাতুইন খা,
যেয়ো থাং যেয়ো ত্বং
ওয়ানছক জাক অংখা।
বরু মাঞ্জাছিনো অবতোই মানুই-ন!
নাইতুক গই নাই-ন নুঙখনয়া অংনো!
কাচাল-লো থাংকা জাদ-পদ মালাইখা,
যেছোক থাং এসুক চালছে চাললাংখা।
লেয়ৈই নাইখা, খরচছে অংখা"
মকল ফিয়ক গই নাই খনই নাইখা,
মুরুই মুরুইছে নুঙ খন লাংখা।
বরু মাঞ্জাছিনো অবতোই মানুই-ন!
নাইতুক গই নাই-ন নুঙখনয়া অংনো!
মকল কছংচা নুঙখনই
ছাকতি ফিরক গই নাইখনই নাইনো,
যে নুঙখনো নগু ত্বংনাইনো।
তানি নাইছিনো অবতোই মানুইনো,
মাই তাং খলচি-ন মাইতাং তাংছানো।
বরু মাঞ্জাছিনো অবতোই মানুই-ন!
নাইতুক গই নাই-ন নুঙখনয়া অংনো!।।