Bokhrokni kagya Tipra Ma'ni Khengrang_
Purnima horni tal kolwktoi, kolwktoi,
Ani ma'le hapagw thangtoi , thangtoi .
Bokhrokni kagya Tipra Ma'ni Khengrang_
Khunjur korio kophoi toksani rwchabmung khanatoi, khanatoi,
Khutung horo thwi khobosoi hapa plaitoi plaitoi.
Bokhrokni kagya Tipra Ma'ni khengrang,
Ani ma'nibo khengrang horya tungw emang.
Bokhrokni kagya Tipra Ma'ni khengrang_
Dem swindolo sengyaru pohor phunui ma'no tobogw,
Nukhungni okra kwphoikhai yathiboklairogwi achui tongw.
Bokhrokni kagya Tipra Ma'ni khengrang_
Chayano yak tiyai krok sadi honi bo ano phran rogw,
Chwngle kokbaksa, yakbaksa owngmaya budul-lotra khagwi tongw.
Bokhrokni kagya Tipra Ma'ni khengrang_
Socialistic, changing beni jati hwkni akhogwi harung paigw,
Chwngle harung, dwk hapungno phaloi kama-terang, bolong rutugw.
Je bokhrokni kagya Tipra Ma'ni khengrang_
Chwngle hino nungnai blai chango chugwi thangchi,
Rangchak jugw beni jati moi-thai phalo raber- plasticni khachi.